Siglir tar il cuntegn
Inhalt

Ulteriur Grischun Fundaziun Capauliana resta sut direcziun externa

La fundaziun Capauliana duai vegnir manada vinavant d'in administratur. Quai ha la dretgira federala a Losanna decis. Quest administratur aveva l'administraziun da finanzas dal Grischun tschentà en il december 2013 suenter che dus commembers dal cussegl da fundaziun vevan inoltrà plant.

Maletgs en la Capauliana
Legenda: Impressiuns or da l'exposiziun «Giacometti & Pedretti, in'amicizia d'artists sur generaziuns». RTR, A. Hendry

Suenter ch'il fundatur Duri Capaul è mort il 2009 aveva cumenzà ina dispita tranter las figlias dal fundatur ed il cussegl da fundaziun pervi dals dretgs da proprietad vi dals maletgs ed ils objects da collecziun.

Las figlias eran da l’avis che la gronda part dals objects artistics tutgian tar il relasch. Perquai na tutgian quest objects betg a la fundaziun. Ils trais commembers dal cussegl da fundaziun eran sa mess cunter questa posiziun ed avevan inoltrà in recurs da surveglianza.

RR novitads 14:00