Siglir tar il cuntegn
Inhalt

Ulteriur Grischun Fotografs per Bondo

40'000 francs han fotografs svizzers ingiantà il venderdi saira a Turitg tar in'aucziun da lur fotografias – daners per lavurs da rumida e reconstrucziun da Bondo.

Il vitg da Bondo cun baselgia e casas.
Legenda: 40'000 francs per Bondo. Keystone

28 fotografs han il venderdi saira vendì var 30 atgnas ovras tar in ingiant a Turitg. Uschia han els realisà ina summa da 40'000 francs. Cun quellas entradas veglian els sustegnair las lavurs da reconstrucziun en la regiun da Bondo, Sottoponte, Spino e Promontogno, scrivan ils fotografs involvids.

Stretga colliaziun tranter Turitg e Bregaglia

Preschentas a l'aucziun èn stadas er la presidenta da la citad da Turitg, Corine Mauch e la presidenta communala da la Bregaglia, Anna Giacometti. Omaduas han accentuà la stretga colliaziun tranter la vallada e Turitg. Las Ovras electricas da Turitg han en la Bregaglia plirs implants.

RR novitads 09:00