Ulteriur Grischun - Fin d'emna plain lavur per la polizia
La polizia da la citad da Cuira è stada 29 giadas en acziun la fin d'emna passada. Quai tranter auter pervia da donns da material, dispitas ed acziuns d'agid. Duas giadas però er pervi da violaziuns da la lescha dal di da ruaus.
Sco quai che la polizia scriva sajan dus gestiunaris da locals vegnids denunziads perquai ch'els n'hajan betg dumandà la permissiun da laschar avert il local per occurrenzas durant firads auts. In ulteriur gestiunari vegnia plinavant accusà pervia da la canera da musica.
Differentas persunas hajan stuì vegnir ospitalisà ord motivs da blessuras ch'els s'han chaschunà sez u ch'èn chaschunadas tras consum exagerà d'alcohol.
