Festa da Cuira: L’usità è sa cumprovà

Las preparativas per la 27avla festa da Cuira giran. Davent dal 19 fin ils 21 d’avust vegn preschenta in vast program – dentant propi bler nov na datti betg – auter che in bindel cotschen.

Impressiun da la saira da la festa da Cuira

Legenda da maletgs: Impressiun da la saira da la festa da Cuira MAD

L' areal da festa vegn, suenter las lavurs da construcziun en il coc da la citad, engrondì fin tar l' Alexanderplatz. Là sa preschenta la «Freestyle Academy Laax» cun in trampolin ed in satg da siglir. Sin la via da la staziun datti da nov ina cabina da fotografar.

Suenter il sablun da la plazza da ballarait da l’onn passà, datti quest onn sin la plazza Arcas in cirquit da cursa ed in stan da sajettar cun buis da laser – per manar tras in biatlon.

Enconuschentas chaussas sco ils concerts en il Stadbaumgarten, la tombola ni il paradis d’uffants cun paraid da raiver vegnan vinavant a restar. Era culinaricamain vegn la festa da Cuira a resta sco usità.

Nov èn ils bindels che vegnan vendids avant e durant la festa da Cuira. Dapli tar ils bindels datti qua.