Siglir tar il cuntegn

Header

video
Fugitivs minorens a Favugn
Or da Telesguard dals 02.10.2015.
laschar ir. Durada: 2 minutas 40 Secundas.
cuntegn

Ulteriur Grischun Favugn: Bleras dumondas pervia dal project da fugitivs minorens

A Favugn ha la vischnanca infurmà la gievgia saira la populaziun sur dal nov project per fugitivs minorens. En la chasa da la fundaziun «Gott hilft» amez il vitg vegnan ad abitar 12 fugitivs tranter 16 e 18 onns. A scola van els a Cazas.

L'infurmaziun ha interessà la populaziun. Radund 120 persunas èn stadas a tadlar. Ed ellas han era pudì far lur dumondas ni exprimer lur quitads. Igl è vegnì tschenta bleras dumondas: «Tge, sche ils fugitivs èn criminals? Tgi surveglia els? Tge fa la vischnanca, sche il project na gartegia betg?»

Sper dubis hai er dà blera avertezza.

La presidenta da vischnanca Lucrezia Furrer, il manader da l'uffizi social dal Chantun Andrea Ferroni sco era plirs responsabels da la fundaziun «Gott hilft» ch'è responsabla per la chasa e per ils fugitivs han dà scleriment. Sper dubis hai dentant er dà blera avertezza.

L'emprim saja da laschar vegnir ils fugitivs avant dad avair tema, han pliras persunas detg. E vegnir, vegnan ils giuvenils gia bainprest: L'entschatta november è planisà da retrair il nov dachasa.

Artitgels legids il pli savens