Siglir tar il cuntegn

Header

Navigaziun

Areal dal bogn aviert Obere Au a Curia
Legenda: Ils 5 da matg avra il bogn avert Obere Au a Cuira. Tgi sa sche las pradas èn lura pli plainas? RTR, S. Degonda
cuntegn

Ulteriur Grischun Far bogn dadora - gia uss?

L'Obere Au a Cuira avra ses bogn avert, e quai malgrà che l’aura na fa betg anc gust da siglir en l’aua. Far quai senn?

Ils ulteriurs onns era il bogn avert Obere Au per il solit pér vegnì avert mez matg, quest onn è l’avertura vegnida spustada sin la fin d’emna d’Ascensiun. Il manader dal bogn, Markus Giger, è persvadì ch'i dat ina bun'avertura.

La glieud sa legra da puspè pudair far bogn suenter l'enviern fraid.
Autur: Markus Gigermanader dal bogn Obere Au

Il bogn cuvert vegn sanà durant la stad: il palantschieu sura vegn restaurà ed i vegn a dar ina nova ruschnera d'aua a partir da l'atun 2016.

Il di da la avertura

Tranter 15 e 20 persunas èn sin l'areal da l'Obere Au il di da l'avertura. La temperatura è 24 grads e l’aua è stgaudada sin 21 grads. Il vent sufla dentant ed uschia para quai d'esser in zic pli fraid. Era ils giasts èn plitost sin lur sientamauns ch'en l’aua.