Siglir tar il cuntegn

Header

cuntegn

Ulteriur Grischun Exposiziun annuala extraordinaria dal Museum d'art dal Grischun

Suenter dus onns pausa datti finalmain puspè in’exposiziun annuala dals artist e da las artistas grischunas en il Museum d’art a Cuira. L’exposiziun tradiziunala è dentant quest onn in zic differenta.

Grazia al bajetg d’engrondiment ha il museum uss dapli plaz. Uschia èn intginas ovras ch’èn vegnidas creadas a posta per il museum era daventadas pli grondas.

audio
Bunura: Exposiziun annuala extraordinaria dal Museum d'art
ord Actualitad dals 05.12.2016.
laschar ir. Durada: 2 minutas 50 Secundas.

In da chasa per ils artists

Ils artist e las artistas èn ils emprims che han dastgà scuvrir il nov museum, per l’ina per crear ovras per l’exposiziun, per l’autra per che quai daventia lur museum, lur da chasa, ha ditg il directur Stephan Kunz.

Giubileum 80 onns visarte.grischun

Per festivar da rudent il giubileum da visarte.grischun èn ils responsabels sa decidids dad excepziunalmain eleger in tema per l’exposiziun annuala, numnadamain archiv. Per in archiv stoppian ins rimnar impressiuns, rauba, ideas, e lura far urden cun tut, reordinar, perscrutar e mantegnair tut, ha ditg Lynn Kost, curatur e vicedirectur dal museum. Ils artists giajan là, nua che las ideas, ils concepts, la creativitad neschian.

Vernissascha da l'exposiziun annuala dals artists e da las artistas grischunas.
Legenda: Vernissascha da l'exposiziun annuala dals artists e da las artistas grischunas. Angela Hendry

Gronda variaziun

114 artists ed artistas èn s’annunziads cun in dossier: 55 han la fin finala dastgà sa participar a l’exposiziun. Malgrà che l’exposiziun è restrenschida entras il tema èn las ovras multifaras. Il tema saja avunda avert, manegia Stephan Kunz. L’exposiziun duai svegliar regurdientschas, animar da patratgar e dar ina survista sur da l’activitad artistica en il chantun grischun.

Artitgels legids il pli savens