Siglir tar il cuntegn

Header

cuntegn

Ulteriur Grischun Era teater po esser thriller

Sch’ins discurra da films da thriller, sche lura croda bain spert il num dil reschissur englais, Alfred Hitchcock. Mo thrillers na datti betg mo en il mund da films, mabain era en il mund dal teater.

audio
Mezdi: In teater sco thriller
ord Actualitad dals 06.09.2016.
laschar ir. Durada: 3 minutas 56 Secundas.

Tut para perfetg: Franziska (30) abita ensemen cun ses um Matias, ch’è 20 onns pli vegl. Ensemen han els ina poppa. In di vegn dentant la ex-dunna da Matias, ina dunna en ils 50, sperasvi. Ella e Matias n'avevan betg pudì survegnir ensemen uffants.

Matias è uss en chasa cun duas dunnas – sia dunna e sia ex-dunna. E plaun a plaun capitan chaussas curiusas. I dat charplinas pervia da la poppa Desiree.

Quai è la istorgia dal thriller «Desiree», che vegn preschentà la saira dals 06.09.2016 per l'emprima giada en la Klibühni a Cuira.

«Giugar in thriller è insatge nov per nus»

Igl actur René Schnoz gioga ina da las rollas principalas. Tge ch’è nunusità per el è, ch’el gioghi in tip serius. Ils davos onn haja el plitost giugà cumedias. La sfida en in thriller saja da tegnair la tensiun sur l’entir toc.

La finamira è ch’igl aspectatur sesa sco sin guglias durant la producziun.
Autur: René Schnoz actur da film e teater
René Schnoz gioga ina da las rollas principalas en il thriller Desiree.
Legenda: René Schnoz gioga ina da las rollas principalas en il thriller «Desiree». RTR, GIAN CARLO CANDINAS

Insatge totalmain nov è in thriller era pe Astrid Alexandre, ch’è responsabla per la musica. Tenor ella saja la pli gronda trapla quella da crudar en ils clischés da musica da thriller.

Sgarschur, conflicts ni tensiun. Chavazzins che tutgan simplamain tar in thriller. Ed igl è era chavazzins che van a prà cul teater «Desiree»

Artitgels legids il pli savens