Siglir tar il cuntegn

Header

cuntegn

Ulteriur Grischun Enguladitsch a Tavau sclerì

La polizia chantunala ha piglià ils trais umens che han venderdi passà engulà uras en la valita da plirs tschient milli francs d'ina butia.

Curt suenter las 11 han ils trais assaglì la butia a Tavau Plaz. In dals umens haja smanatschà il persunal cun in'arma da fieu curta. Las persunas èn vegnidas liadas. Silsuenter han ils trais umens rumì ora uras en la valur da plirs tschient millis francs or da las vitrinas ed han bandunà la butia. Il persunal ha pudì sa deliberar sezs e clamar la polizia.

Ils culpabels suspectads èn arrestads

Il venderdi suentermezdi ha la polizia, sin fundament da las investigaziuns, tegnì airi in auto cun trais umens en l'Engiadina. Las investigaziuns han mussà ch'i sa tracta dals trais umens che han engulà las uras. In dals umens è Lituan, dus èn Russ. Els èn vegnids arrestads. Las uras ha la polizia era chattà.

Tschertgà perditgas

La polizia tschertga ussa perditgas che pon dir insatge tar l'assagl. Perditgas pon s'annunziar tar la polizia chantunala.

RR novitads 18:00

Artitgels legids il pli savens