Siglir tar il cuntegn
Inhalt

Ulteriur Grischun En in onn èsi a fin cun l'«Alphütta» e l'arena da public viewing

Quai communitgeschan l'uniun Khur.ch cun ils iniziants Sandro Peder e Fifi Frei. Il 2019 fetschian els ina pausa.

Alphütta sin la plazza da teater a Cuira
Legenda: L'«Alphütta» ha grond success - gia il mars èn 3'000 plazs vegnì vendids per november e december. MAD

L'arena da public viewing e l'«Alphütta» datti per la davos giada il 2018 sin la plazza dal teater a Cuira. Il 2019 veglian els dar la chaschun ad insatgi auter dad organisar occurenzas sin la plazza da teater, uschia ils responsabels Fifi Frei e Sandro Peder. Uschia reageschan els tranter auter sin la critica dals ustiers da Cuira che schevan che la clientella manchia ad els.

Grond success dentant er blera lavur

Omadus projects - l'«Alphütta» sco er l'arena da public viewing - che ha attratg durant ils campiunadis mundials da ballape en Brasilia varga 23'000 persunas - sajan in success. L'entira organisaziun, recrutar persunas ed organisar lubientschas saja dentant er ina lavur intensiva, uschia ils responsabels vinavant. Betg a fin èsi dentant cun la «Töfflitour», la tura cun mopeds da Cuira ad Ascona che l'uniun Khur.ch organisescha.

RR novitads 06:00