Siglir tar il cuntegn

Ulteriur Grischun Dus novs burgais d’onur da Cuira

Igl è l’emprima giada dapi 13 onns che la citad da Cuira ha surdà il dretg da burgais d’onur. A la radunanza annuala da l’uniun da burgais han l’architect Thomas Domenig sen. (83) ed il profi da hockey sin glatsch Nino Niederreiter (23) survegnì il dretg da burgais d’onur da la chapitala Grischuna.

Thomas Domenig sen. (san.) e Nino Niederreiter (dre.).
Legenda: Ils dus novs burgais d'onur da Cuira: Thomas Domenig sen. (san.) e Nino Niederreiter (dre.). RTR

Nino Niederreiter e Thomas Domenig sen. èn dapi la mesemna saira dals 14-04-2016 burgias d’onur da la citad da Cuira. Sco il «Bündner Tagblatt» rapporta, ha il burgamester Andreas Brunold surdà ils documents en la sala dal «Marsöl».

L’architect Thomas Domenig sen. e sia dunna han retschavì ils documents persunalmain. Per il giugader da hockey sin glatsch Nino Niederreiter han ses geniturs acceptà il scrit d’onur, cunquai ch’il figl è actualmain engaschà en ils playoffs da la NHL. Tuttina han ins pudì vesair Niederreiter: El è s’annunzià ord ils Stadis Unids via Skype ed ha en quella moda engrazià per l’onur.

RR actualitad da la bun'ura