L’onn 2003 devi gia in drive-in da la Banca Chantunala e quai en la Ringstrasse a Cuira. Questa installaziun ha suenter in pèr onns dentant stuì far plaz ad in tancadi. Dapi il zercladur 2013 datti dentant in nov bancomat da drive-in a Cuira, quai en la via da la Caserna. La banca ha vulì mantegnair questa purschida cun quai ch'il bancomat era fitg frequentà ed era perquai che quest bancomat è il sulet en il Grischun, di il responsabel Thomas Roth.
Pli blers pajan via internet
Bajegiar ora la purschida na vegn la Banca Chantunala Grischuna dentant betg. Per l'ina sajan questas installaziuns fitg charas e per l'autra vegnian bancomats en general adina duvrads pli pauc, perquai che blers pajan via internet e betg pli cun daners en bar.