Siglir tar il cuntegn

Header

video
Accident da downhill
Or da RTR dals 15.04.2016.
laschar ir. Durada: 1 minuta 20 Secundas.
cuntegn

Ulteriur Grischun Downhill: In sport da rumper ossa

I vegn adina pli e pli chaud, quai vul era dir che pli blers van suenter l'enviern puspè ordadora a far sport. In sport che vegn adina pli popular è il downhill. Pia charrar cun il velo dal culm giuadora. Quai senta era il ospital chantunal a Cuira.

video
Adina dapli accidents da downhill
Or da RTR dals 15.04.2016.
laschar ir. Durada: 24 Secundas.

Adina Dapli accidents da downhill

Dr. Sommer, il schefmedi da la chirurgia ha quest onn gia gì da s'occupar dus accident da downhill, e quai malgrà che la stagiun n'ha anc betg propi cumenzà. Quai saja normal, las cifras dad accidents en il sectur velo, cunzunt downhill, creschan mintga onn. L'onn 2014 haja dà radund 120 blessads e l'onn passà 212 blessads da l'avrigl fin il settember.

video
Differentas blessuras
Or da RTR dals 15.04.2016.
laschar ir. Durada: 25 Secundas.

Blessuras da tuttas sorts

Il schefmedi da la chirurgia operescha adina differentas blessuras dals sportists da downhill. Il pli bler vegn dentant la ruttadira dal oss-clavigl avant. Plirs dals blessads sa fan dentant betg mo mal en in lieu e dovran perquai era pliras operaziuns.

video
Spitgar suenter l'accident
Or da RTR dals 15.04.2016.
laschar ir. Durada: 10 Secundas.

Suenter l'accident: spetgar!

Sco Dr. Christoph Sommer di, vulan blers fanatichers da downhill curt suenter l'accident puspè ir cun il velo dal culm giuadora. Ma damai che las ruttadiras da l’ossa èn savens cumplitgadas e ston magari vegnir drizzadas cun struvas ni plattas da fier n'è quai betg pussibel.

Artitgels legids il pli savens