La tenda sur il plaz da tennis a Domat datti dapi 2016. Anc mai han els gì problems cun quest construct. Durant l'enviern 2018/19 è la tenda dentant dada ensemen duas giadas pervi da las massas da naiv.
L'emprima giada la fin d'october. Lura han ins construì ina nova tenda e quella è dada ensemen la dumengia sin glindesdi. Malgrà ch'il sistem d'alarm era activ, n'ha il club da tennis betg pudì prender mesiras immediatas. Quella giada n'è la tenda dentant betg rutta.
Reto Spiller, il president dal club manegia, che quella tenda na saja simplamain betg construida per uschè grondas massas da naiv sco quai ch'igl ha dà ils ultims dis.
Il club da tennis Domat vegn uss vinavant a duvrar la tenda. Autras variantas pli stabilas fissan numnadamain memia charas. Els ston ussa dentant far patratgs, co evitar ina terza giada il desaster.
RR actualitad 07:00
