Ulteriur Grischun - Domat: Indrizs en chasa da scola Tuma Platta pon vegnir sanads
La vischnanca da Domat po far ina sanaziun generala da tscherts indrizs en la chasa da scola Tuma Platta. Cun 999 gea cunter 182 na a il suveran da Domat approvà la sanaziun dal bogn, da la halla da gimnastica e dal conturn da la scola.
En pli han las votantas ed il votants da Domat approvà il preventiv 2016. Quel quinta tar expensas da passa 33,3 milliuns francs cun in deficit da 130'000 francs. Ils da Domat han ultra da quai er decidì da laschar il pe da taglia sco fin qua sin 90 pertschient da la taglia chantunala simpla.
