Siglir tar il cuntegn

Ulteriur Grischun Domat: ina festa populara e 15 francs dividenda

A Domat han passa 2’000 persunas visità la 53avla radunanza generala da la Ems Chemie Holding SA. Surpraisas n'haja betg dat: La radunanza ha approvà tut ils punctsda la glista da tractandas. Tranter auter era quai ina dividenda da passa 350 milliuns francs, tge che munta 15 francs per aczia.

Sco l'interpresa scriva, hajan 2’049 persunas visità la radunanza. Uschia eran represchentadas 19’847’043 aczias nominalas quai che correspunda a 91,25% da las aczias cun dretg da votar.

Las persunas èn vegnidas da tut la Svizra – quai ch'ha chaschunà colonnas sin l'autostrada, tar ils parcadis ed a l'entrada da la tenda.

Magdalena Martullo Blocher festivescha ses 47avel anniversari

La gronda surpraisa è stada la figlia pitschna da Magdalena Martullo Blocher ch'ha sunà flauta ed animà tut ils acziunaris e giasts da chantar per sia mamma. Ultra da quai han la Compagnia Rossini ed ils Tamburs da Domat embellì la radunanza generala.

Industria 4.0

Il futur saja la maschaida tranter process industrials e tecnologia d'infurmaziun, ha detg Magdalena Martullo Blocher, la scheffa da la Ems Holding. Uschia è vegni preschentà in apparat che surveglia vatgas. Quant fitg sa movan ellas? Tge temperatura han ellas? Èsi temp da mulscher?

RR novitads 06:00