Siglir tar il cuntegn

Header

video
Domat di gea al diever nov dal areal da la resgia gronda
Or da Telesguard dals 28.02.2016.
laschar ir. Durada: 1 minuta 19 Secundas.
cuntegn

Ulteriur Grischun Domat – gea a la zona d’industria

Il suveran da Domat ha decidì cun 2'443 cunter 361 vuschs in clar gea per midar il plan da zonas: Or da l’areal da l’anteriura resgia gronda Vial-Tuleu datti ina zona d’industria. A la votaziun èn sa participads radund 58% da las votantas e dals votants.

Uschia suonda il suveran al cussegl communal. Quel aveva decis unanimamain da midar l'areal da la resgia gronda en ina zona d'industria.

La midada saja ina gronda schanza per la vischnanca da Domat, aveva ditg la presidenta Beatrice Baselgia.

Il cumin da la vischnanca burgaisa da Domat ha gia approvà tut las cunvegnas cun il chantun davart la midada d’utilisaziun da l'areal da la resgia Tuleu. Uschia daventa il chantun Grischun nov proprietari dals dus dretgs da bajegiar.

audio
Via libra per midar l’intent da l’areal da l’anteriura resgia gronda a Domat
ord Novitads dals 28.02.2016.
laschar ir. Durada: 1 minuta 47 Secundas.

Ina da quellas cunvegnas prevesa da vender 9’000 meters quadrat terren a la Hamilton SA Panaduz per construir ina fabrica.

La Hamilton SA vul investir l'auter onn a Domat radund 25 milliuns francs e stgaffir 100 plazzas da lavur.

Plinavant han ils da Domat ditg gea ad ina reutilisaziun dal local da pumpiers Tircal. E la cuschina da la scola da fin qua vegn da nov nizzegiada sco localitads per l'instrucziun.

RR novitads 14:00

Artitgels legids il pli savens