Siglir tar il cuntegn
Inhalt

Ulteriur Grischun Domat: Chantun allontanescha cuvrida e conducts da la resgia

Glindesdi cumenzan las lavurs da realisar il parc industrial Vial, sin l'areal da l'anteriura resgia. Sco quai ch'il chantun communitgescha vegn disfatg ed allontanada la cuvrida ed ils conducts d'ovra che na vegnan betg pli duvrads.

l'areal da l'anteriura resgia gronda a Domat
Legenda: L'areal da l'anteriura resgia gronda a Domat vegn per gronda part transformà en in areal d'industria. Keystone

La surfatscha vegn lura cuverta cun tschispet sin gera. L'entschatta da la stad vegn lura er construida la via d'access sin l'areal. En il vest da l'areal resta dentant ina surfatscha parziala per in'eventuala futura resgia.

Cun la nova via d'access tutga l'areal da Domat tar ils pli gronds areals d'industria accessibels en Svizra. Lantschà il niz industrial da l'areal ha la firma Hamilton che construescha il mument in nov bajetg. La Hamilton investescha radund 35 milliuns e stgaffescha bun 100 novas plazzas.

RR novitads 10:00