Siglir tar il cuntegn

Header

cuntegn

Ulteriur Grischun Domat: 860'000 francs per sa proteger da la bova

Il cussegl communal da Domat ha concedì in credit da 860'000 francs per proteger la cuntrada e l'infrastructura da la bova da la Val Parghera. Il pievel decida ils 18 d'october en chaussa.

La suprastanza communala da Domat aveva gia orientà mez avust la populaziun da ses plans, co ella vul proteger la cuntrada e l’infrastructura da la bova da la Val Parghera. Pertge la bova è anc adina activa, vul dir, adina puspè vegn giuador material.

Plans per domesticar la Val Parghera

L’idea è da far in foss pli grond che po rimnar fin a 170‘000 meters cubic material, radund 8 giadas dapli ch’il foss actual. La via chantunala duai vegnir spustada per 30 fin 40 meters plinengiu, pia pli datiers da l’autostrada e puspè vegnir sbassada sin il nivel d’antruras.

Project da 17 milliuns francs

Il project custa en total rodund 17 milliuns francs. 860'000 francs stuess Domat surprender, ils auters custs vegnan repartì tranter Cuira, la Viafier retica, chantun e Confederaziun.

Dus terzs gia giuadora

Il material che pudess anc vegnir giuadora or da la Val Parghera, vegn il mument calculà cun rodund 900‘000 meters cubic. Da quai èn circa dus terzs gia vegnida giuadora ils dus onns passads.

Suenter l’emprima bova il 2013, han ins sco mesiras immediatas fatg per la via chantunala ina punt provisorica pli auta e chavà in foss che po rimnar uschè bler material sco pussibel. Quai foss è adina puspè vegnì svidà en ina deponia a Plarenga.

RR novitads 12:00

Artitgels legids il pli savens