Siglir tar il cuntegn

Header

Navigaziun

Il cussegl federal vul cleras regla per la plattafurma d'internet dispitaivla Airbnb.
Legenda: Il cussegl federal vul cleras regla per la plattafurma d'internet dispitaivla Airbnb. Keystone
cuntegn

Ulteriur Grischun Disturba Airbnb la hotellaria grischuna?

Airbnb è ina plattafurma che porscha abitaziuns e chasas privatas a turists e turistas. Er en il Grischun pon ins far talas vacanzas tar insatgi a chasa, en tuttas regiuns, la schelta è enorma.

Airbnb sco supplement

Per hotelleriesuisse grischun na saja Airbnb nagina concurrenza. Jürg Domenig, il manader da la fatschenta, vesa Airbnb sco supplement. Ina persuna che na veglia betg cuschinar e schubregiar, dormia en in hotel e betg en ina chasa da privats.

Airbnb sfalsifitgescha martgà

Dentant sfalsifitgeschia Airbnb il martgà. Savens na vegnian las taxas da cura betg incassadas, standards da segirtad e dad igiena na vegnian betg resguardads, sin ils gudogns na vegnia betg pajà taglia.

Perquai è uss il cussegl federal vi d’analisar la situaziun avant che far propostas per leschas en connex cun Airbnb.

È Airbnb legal?

Sch'ins na posseda betg l'abitaziun, èsi delicat da laschar vi ella a turists ed a turistas. L'associaziun da locataris grischuna è sceptica envers Airbnb. Lukas Horrer, il president, fa attents ch'il possessur po schizunt visar il contract da l’abitaziun.

Impurtant è d'infurmar il possessur, tgi vegn, per quant ditg, per tge pretsch e sut tge circumstanzas. Far gudogn cun la sutlocaziun è en mintga cas scumandà.