Siglir tar il cuntegn

Header

video
Missiun B: L'anemona ha puspè in avegnir
Or da Telesguard dals 01.04.2019.
laschar ir. Durada: 3 minutas 35 Secundas.
cuntegn

Ulteriur Grischun Discret e tuttina plain raritads

Il pastg sitg sur Tumein para pauc impurtant - è el dentant. El è perfin in pastg da muntada naziunala. La raschun è tranter auter l'anemona alpina.

Cun sias flurs raras, sco per exempel l'anemona alpina, è il pastg sitg sur Tumein da gronda impurtanza. Sias raritads èn dentant periclitadas e vegnan chatschadas enavos. Quai dal cudognast - ina neofita ch'è stada blers onns ina planta fitg populara per en il ierts. Er en ils ierts gist sper il pastg - ed uschia è il cudognast sa derasà pli e pli er ordvart ils ierts.

Regalà flurinas per 17'000 francs als abitants

Quai cumbatta l'Uffizi per la natira e l'ambient dal Grischun ed investescha perquai stgars 30'000 francs. Ensemen cun l'organisaziun «oekoskop» han els fatg attent la populaziun da Tumein sin ils dischavantatgs dal cudognast ed ils avantatgs da la flora indigena.

Vinavant han els laschà multiplitgar las flurs raras dal pastg sitg en ina orticultura a Filisur: circa 5000 flurinas per var 17'000 francs. Quellas ha l'uffizi lura regalà als abitants sper il pastg. Uschia duai il pastg puspè flurir pli fitg cun flurs indigenas e senza neofitas.

«Missiun B» – per dapli biodiversitad

Avrir la box Serrar la box

TR Telesguard 17:40

Artitgels legids il pli savens