Siglir tar il cuntegn
Inhalt

Ulteriur Grischun Directur da Viafier retica sa retira ad interim

Il directur da la Viafier retica Hans Amacker, sto dar giu ses post ad interim pervi da motivs da sanadad. Quai ha communitgà il president dal cussegl d'administraziun Stefan Engler.

Legende: Video La Viafier retica ha transportà dapli passagiers abspielen. Laufzeit 02:00 Minuten.
Or da Telesguard dals 24.04.2015.

Per il mument vegnian las lavurs repartidas sin ils commembers da la direcziun.

10,1 milliuns passagiers han nizzegià la Viafier retica il 2014

A la conferenza da medias annuala ha la Viafier Retica era preschentà las cifras dal 2014. Er en l'onn da giubileum da 125 onns Viafier retica RhB transportà dapli persunas. L'entir onn 2014 han 10,1 milliuns passagiers nizzegià la Viafier retica, quai è in plus da 2,7 %.

Sco quai che la Viafier retica communitgescha, èn las entradas dal traffic da persunas s'augmentadas uschia sin 97,7 milliuns francs. Il traffic da vitgira ha perencunter fatg ina sperdita dad 1,6 milliuns francs tar entradas totals da 13,5 milliuns francs. Plinavant ha la retica investì l'onn passà 162 milliuns francs en l'infrastructura.

RR novitads 12:00