Siglir tar il cuntegn

Header

Navigaziun

Ord mancanza da naiv aveva la stagiun dad ir cun skis pir cumenzà endretg il schaner.
Legenda: Ord mancanza da naiv aveva la stagiun dad ir cun skis pir cumenzà endretg il schaner. RTR, R. Müller
cuntegn

Ulteriur Grischun Deficit per pendicularas Tschiertschen

Ils acziunaris da las pendicularas da Tschiertschen han approvà il quint annual a la radunanza generala da la sonda. Il quint serra cun in deficit da 380'000 francs.

Sco ch'il president dal cussegl d'administraziun Martin Weilenmann ha detg, saja l'enviern passà stà in enviern d'emblidar. Ord mancanza da naiv han las pendicularas avert pir suenter Nadal. Per gulivar il deficit han las pendicularas rimnà donaziuns tar ils acziunaris.

Investir pli pauc, colliar territori cun Lai

Medemamain vegnian ins proxima stagiun ad investir pli pauc ch'ils davos onns. In punct impurtant è per Martin Weilenmann la collavuraziun cun la Lai ed Arosa e da pudair colliar en l'avegnir il territori da skis da Tschiertschen cun quel da Lai.