Ulteriur Grischun - Damain paja per suprastanza da Cuira
A Cuira è gartegiada l'iniziativa da la PPS che vul limitar la paja da la suprastanza da la chapitala. Per l'iniziativa «200'000 francs paja bastan» èn vegnidas rimnadas 802 suttascripziuns valaivlas, quai stat en il fegl uffizial da Cuira.
Necessarias fissan stadas 800 suttascripziuns. L'iniziativa vul reducir la paja annuala dal president da la citad da 260'000 sin 230'000 francs e la paja dals ulteriurs dus commembers sin 200'000 francs. La suprastanza sto ussa suttametter l'iniziativa entaifer in onn al parlament.
