Siglir tar il cuntegn

Header

Navigaziun

Ils parlamentaris che han fatg part dalla emna da skis.
Legenda: 16 parlamentaris ed anteriurs parlamentaris svizzers e dudesch parlamentaris ed anteriurs parlamentaris englais han fatg part dall' emmna da skis a Tavau. MAD
cuntegn

Ulteriur Grischun Cussegliers naziunals e «Members of Parliament» sin pista

L'emna vargada ha gì lieu a Tavau la 61avla British-Swiss Parliamentary Ski Week. In'emna communabla da skis cun intgins parlamentaris ed anteriurs parlamentaris svizzers ed englais. Punct culminant è stada la cursa da skis tranter ils parlamentaris svizzers ed englais la Sonda.

Victur da la cursa è il president dal cussegl naziunal, Jürg Stahl da la PPS. Gia ils dus onns vargai ha el gudagnà la cursa en furma d'in slalom gigant. Tar las dunnas ha gudagnà Andrea Gmür-Schönenberger da la PCD. 16 cussegliers e cusseglieras – oravant tut da partidas burgaisas – han quest onn fatg part da l'emna da skis. Dudesch parlamentaris e parlamentarias eran da la Gronda Britannia.

Brexit e migraziun sco temas

Sper l'ir cun skis serva l'emna da skis dentant er sco plattafurma bilaterala, che duai promover il barat politic. Baterlà vegnia in pau sur da tut, declera l'ambassadur svizzer da Londra, Dominik Furgler.

Igl amabssadur Dominik Furgler.
Legenda: Sper ils parlamentaris è era igl ambassadur svizzer da Londra, Dominik Furgler dalla partida. G.Gabriel

Sper la politica saja quai era la famiglia u hobis. Tema principal en ils discurs dals politichers era quest onn cleramain il Brexit. Ils Englais vulevan oravant tut savair, co la Svizra s'organiseschia senza esser commembra da l'uniun europeica, declera la cussegliera naziunala da la PLD, Christa Markwalder. «I dat tschertas differenzas e tschertas parallelas. Dentant san ins adina emprender in da l'auter.»

In auter tema dals discurs era l'immigraziun. «Ils parlamentaris englais han er s'interessà co ils Svizzers han realisà l'iniziativa da l'immigraziun da massa.» uschia cusseglier naziunal da la PBD, Duri Campell.

RR actualitad 07:00