Siglir tar il cuntegn
cuntegn

Ulteriur Grischun Curtin dal Calanda vegn renovà

Il curtin dal Calanda entamez la citad da Cuira vegn fatg da nov. Il parlament da la citad ha refusà cun 13 cunter 5 vuschs ina dumonda da la PLD per mantegnair la terrassa sco ella è oz. Uschia po il plaz vegnir adattà a la cumparsa da la nova via da la staziun.

Avant in onn aveva ina petiziun lantschada da la ustiera dal Calanda, Sandra Brunner, anc procurà per in stop dals plans. Ussa èn l’ustiera e la possessura dal terren en dretg da construcziun, la Banca chantunala, d’accord cun la soluziun preschentada dal Cussegl da la citad da Cuira.

L’october duess vegnir cumenzà cun las lavurs da renovaziun. La nova terrassa duess lura esser a fin l’entschatta december.

Tge sa mida?

Il curtin vegn pli grond. Oravant tut na vegn il mir enturn la terrassa betg a vesair ora sco oz, mabain en furma da decoraziun. Las tendas da sulegl restan e las plantas vegnan pli grondas uschia ch’i dat dapli plazs en la sumbriva

RR novitads 06.00