Ulteriur Grischun - Cun la punt «Sora Giuvna» a Rehanau en il futur
Tranter Rehanau/La Punt e Panaduz vegn bajegià ina segunda punt da fier, per ch’ils trens da la Surselva e da l’Engiadina possian charrar sin dus binaris.
Legenda:
Uschia duaian las duas punts vesair ora il november 2019.
mad
2 / 10
Legenda:
Il directur da la viafier retica Renato Fasciati fa in bainvegni a la badigliada.
RTR/ Angela Hendry
3 / 10
Legenda:
Era il vicedirectur da la viafier retica, Christian Florin, declera davart la muntada da la punt "Sora Giuvna".
RTR/ Angela Hendry
4 / 10
Legenda:
Las lavurs a la staziun da Rehanau/La Punt han gia cumenzà.
RTR/ Angela Hendry
5 / 10
Legenda:
Vesta sin la punt veglia davent da l'insla.
RTR/ Angela Hendry
6 / 10
Legenda:
Era quà èn ils luvrers huslis.
RTR/ Angela Hendry
7 / 10
Legenda:
Karl Baumann è manader da la construcziun d'art da la viafier retica.
RTR/ Angela Hendry
8 / 10
Legenda:
Enstagl d'ina badigliada preschenta Karl Baumann in model da la punt "Sora Giuvna".
RTR/ Angela Hendry
9 / 10
Legenda:
La punt veglia vegn pir sanada cura che la punt nova è finida.
RTR/ Angela Hendry
10 / 10
Legenda:
Model da la "Sora Giuvna" e da la punt veglia da fier.
mad
audio
Saira: Emprima badigliada per la punt «sora giuvna» a Rehanau
02:58 min, ord Actualitad dals 29.05.2017.
laschar ir. Durada: 2 minutas 58 Secundas.
La punt da fier maina ils trens sur il Rain posteriur e sur l’autostrada A13 ora. La segunda punt da fier vegn bajegiada gist sper la veglia. Per l’ina pon ils trens charrar sin dus binaris, per l’autra po la punt veglia da passa 120 onns vegnir sanada, ina giada che la nova è finida.
02:41
video
Emprima badigliada per la punt «Sora Giuvna»
Or da Telesguard dals 29.05.2017.
laschar ir. Durada: 2 minutas 41 Secundas.
La nova punt è existenziala
Sche la punt veglia rumpess, ed i na dess betg ina nova, na pudessan ils trens da la Viafier retica betg charrar, di Karl Baumann, manader da la construcziun d’art da la Viafier retica. La punt cun il num «Sora Giuvna» haja persvadì surtut, perquai ch’ella prendia resguard sin la punt veglia. Quai saja stada la gronda sfida, conceda Andreas Galmarini, che ha concepì la punt cun ses team d’inschigners internaziunal.
Daners bun investids
Il project custa passa 32 milliuns francs. Per Renato Fasciati, il directur da la Viafier retica, n'è quai nagin schoc. Cun ils dus binaris possian ins evitar retards e laschar ir dapli trens. La «Sora Giuvna» saja in simbol per il svilup. Il november 2018 duai ella esser construida a fin. Lura van tut ils trens in onn sur ella – enfin che la veglia punt è sanada ed ins po duvrar omadus vials il november 2019.
