Siglir tar il cuntegn

Header

cuntegn

Ulteriur Grischun Cumplex da kino a Cuira – il mument bloccà

Gia l'atun 2018 avess il cumplex da kino a Cuira cun otg salas e 1'300 plazzas gì d'avrir las portas. Ma il project è bloccà pervia da recurs da vischins. La Dretgira administrativa dal Grischun decida vers la fin d'avrigl.

La lubientscha da bajegiar ha la societad da construcziun gia sin maisa. La citad da Cuira ha lubì il project. Ma plirs vischins èn sa miss ensemen ed han fatg recurs.

Ils recurs èn ina schicana.
Autur: Thomas Domenig architect

Ils recurrents n'han betg vulì prender posiziun tar la chaussa. Quai ha lur advocat ditg sin dumonda. Il medem vala per Caroline Kalberer, che maina ils kinos Center ed Appolo a Cuira. Ella ha gia cumbattì il nov kino sin pliras vias. Kalberer vul dentant betg prender posiziun.

audio
Bunura: Cumplex da kino Cuira – Project bloccà da recurs
ord Actualitad dals 06.03.2018.
laschar ir. Durada: 3 minutas 2 Secundas.

Dispitim giuridic

La Dretgira administrativa dal chantun Grischun decida vers la fin d'avrigl, sco ella ha confermà ad RTR. Sch'ella dat raschun als patruns da construcziun e sch'il cas na vegn betg tratg vinavant al Tribunal federal, pudess la construcziun cumenzar bainspert. Vegn il cas dentant tratg vinavant, resta il prà a Cuira Vest anc pli ditg vids.

RR actualitad 07:00

Artitgels legids il pli savens