La citad da Cuira vegn il favrer proxim ad organisar ils Winter Games regiunals. Spetgads vegnan radund 400 persunas cun impediments che vegnan a far part a pliras disciplinas, quai ha il president da la citad, Urs Marti ditg oz a las medias. Era vuless la citad da Cuira organisar alura il 2025 ils Winter Games mundials, ils custs muntassan a radund 30 milliuns francs. Quests custs vegnissan tenor in'emprima preschentaziun repartids mintgamai in quart sin vischnancas, chantun, Confederaziun e sponsurs.
Gia avant dus onns aveva la citad da Cuira organisà ils Winter Games naziunals, radund 500 persunas eran sa participadas. Ils custs avevan alura muntà ad 1,36 milliuns francs.
RR novitads 17:00