Siglir tar il cuntegn
Inhalt

Ulteriur Grischun Cuira: trais dunnas tschiffadas d’in auto sin strivla melna

A Cuira èn trais dunnas vegnidas tschiffadas sin la strivla melna frontal d’in auto, quai communitgescha la polizia da la citad.

La strivla melna sur la via da Masans nua che l'accident è capità.
Legenda: La strivla melna sur la via da Masans nua che l'accident è capità. mad

Curt avant las sis èsi vegni tar l’accident sin la via da Masans sin l’autezza da la via da Schellenberg. Las trais dunnas vulevan tenor indicaziuns da la polizia da la citad da Cuira traversar sin ina strivla melna la via cura ch’in automobilist è charrà frontal en ellas. L’um da 73 onns ha para survesì las dunnas. Las trais dunnas han blessuras mez-grevas e grevas. Pliras ambulanzas han transportà ellas en l’ospital chantunal a Cuira. Per era pudair tgirar las perditgas è il care-team dal Grischun stà en acziun.

RR novitads 23:00