Siglir tar il cuntegn

Ulteriur Grischun Cuira relascha zona da planisaziun sur l'areal Globus

Per il mument èn cun quai tut las lavurs vi da l'edifizi a la staziun da Cuira bloccadas. Cun questa decisiun vul la suprastanza far squitsch sin la possessura da tuttina realisar in edifizi nov.

L'edifizi grisch da l'anteriur Globus a la staziun da Cuira, davant ves'ins la staziun da bus.
Legenda: L'edifizi dal anteriur Globus è vid dapi il schaner. RTR, Isabelle Jaeger

Dapi il schaner è l'edifizi da l'anteriur Globus vid. Il plan oriund da la segirada Axa fiss stà da stgarpar giu l'edifizi e realisar in nov project.

Las contractivas cun la possessura da l'edifizi dasperas, la gruppa Foppa immobiglias, han dentant fatg naufragi pervia da las distanzas tranter ils edifizis. Perquai ha la segirada la fin da zercladur decidì da mo sanar il cumplex.

Squitsch para dad avair gia success

Il squitsch tras la zona da planisaziun para entant gia d'avair gì success. Las duas partidas discurran puspè ina cun l'autra e sajan era sin buna via da chattar ina soluziun communabla. Quai ha il president da la citad, Urs Marti, ditg envers RTR.

Sche quai na vess tuttina betg da funcziunar po la citad ir sur il plan da zonas e reglar sur quel las premissas per novs projects. Quai durass dentant ditg, uschia che Marti spera tuttina anc ad ina soluziun en il senn da la citad.

RR novitads17.00