Siglir tar il cuntegn
Inhalt

Ulteriur Grischun Cuira preveda gudogn da passa 4,5 milliuns francs

Il Cussegl communal da Cuira ha approvà il budget da la citad per l’onn 2018. Quel prevesa in gudogn da passa 4,5 milliuns francs. Quai tar expensas da bunamain 248 ed entradas da passa 252 milliuns francs.

La citad da Cuira.
Legenda: La citad da Cuira budgetescha per il 2018 in gudogna da 4,5 milliuns francs. Keystone

Previsas èn autas investiziuns da passa 34 milliuns francs tranter auter per ils indrizs da sport sin l'Obere Au, per la chasa da scola Nikolai sco er tar il lavuratori communal. La citad po però be finanziar la mesadad da las investiziuns cun chapital agen. Uschia ha il cussegl communal approvà tut las propostas per reducir las expensas da la cumissiun da gestiun cun gronda maioritad.

RR novitads 18:00