Siglir tar il cuntegn

Ulteriur Grischun Cuira: Inventx spetga e spetga...

La firma dad IT Inventx vuless construir in nov bajetg en il center da la citad da Cuira – na dastga dentant betg: Tar la dretgira d'administraziun è pendent in recurs. Il mars è vegnì fatg recurs cunter il bajetg planisà.

Cumparegliaziun dal maletgs

Stuschar reglader a sanester Stuschar reglader a dretg
Legenda: Tut sco dapi 30 onns – ed il sguard en l'avegnir. La visualisaziun dal fabricat nov. mad

In recurs impedescha il mument la firma Inventx da construir la chasa da biros a la Steinbruchstrasse a Cuira. «Nus sperain che la dretgira d'administraziun decida la fin da stad en chausa» sa lascha zitar Roman Dinkel da la firma dad IT. Il medem mument sajan els en discurs bilaterals cun ils recurrents per chattar in'eventuala soluziun.

Al mument vul Inventx vinavant restar tar il lieu da construcziun a l'anteriur Forstwerkhof da Cuira ha explitgà Dinkel, «enfin che quai fa senn er economicamain». L'interpresa vuless restar tenor pussaivladad en il center da Cuira per restar attractiv per ils clients e sco lieu da lavur. Ils proxim dus enfin trais onns duess il bajetg star – en quel vegniss er l'archiv da la citad da Cuira.

RR novitads 12:00