Siglir tar il cuntegn
Inhalt

Ulteriur Grischun Cuira e Maladers pon decider davart fusiun

Il suveran da Cuira e da Maladers duai pudair decider davart ina fusiun. Tenor la chanzlia da la citad da Cuira hajan ins terminà las examinaziuns preliminaras. La dumonda per ina contribuziun chantunala saja tschentada, il messadi al cussegl da la citad en lavur.

Vista sur Cuira.
Legenda: La fusiun tranter Cuira e Maladers vegn pli e pli concreta. Keystone

Gia il 2009 aveva il cussegl da la citad da Cuira e la suprastanza da Maladers incumbensà in studi davart ina fusiun. Lura n'han ins dentant betg cuntinuà cun ils plans da fusiunar. Il 2012 han las vischnancas dal Scanvetg fusiunà cun la vischnanca d'Arosa. Maladers è restà sulet.

Uss èn las situaziuns sa midadas tant tar la citad da Cuira sco er tar la vischnanca da Maladers. A Maladers èsi vegnì pli grev d'anflar persunas ch'occupan uffizis publics. Sco la chanzlia da la citad da Cuira scriva, na dettia naginas raschuns finanzialas ch'impedeschan ina fusiun.

La populaziun duai decider ils 25 da november en chaussa. Sch'i lezza fiss per ina fusiun, giess quella en vigur sin il 1. da schaner 2020.

RR novitads 15:00