Siglir tar il cuntegn

Ulteriur Grischun Cuira: Atomobilist fa dus accidents aifer 24 uras

L'emprim gievgia notg ed il segund venderdi saira. Suenter mitga accident è l'um da 27 onns però sa fatg ord la pulvra.

auto demolì cun in toc d'in tschabargal, fitgà en la part davant
Legenda: Malgrà ch'in toc d'in tschabargal è stà fitgà en l'auto è l'um i vinavant. mad, Polizia da la citad da Cuira

La gievgia notg saja l'automobilist collidà cun ina planta. Quai per raschuns nunenconuschentas. Sinaquai haja el stuì dar giu ses permiss da charrar il venderdi en damaun, communitgescha la Polizia da la citad.

Betg impressiunà da quai, saja l'um danovamain sa mess en l'auto la saira e collidà cun in tschabargal tar il sutpassadi da l'autostrada. Malgrà ch'ina part da quel è stada fitgada en l'auto è l'um ì vinavant. Curt suenter ha la polizia però pudì franar el.

RR novitads 06:00