Siglir tar il cuntegn

Header

cuntegn

Ulteriur Grischun Crear umor è ina chaussa fitg setga

Umor è individual. Umor è da religiun a religiun, da pajais a pajais, da regiun a regiun e da persuna a persuna auter. Al festival dad umor ad Arosa essan nus ids suenter als fastizs da l'umor cun Andreas Thiel, Beat Schlatter ed Andrea Zogg.

Andreas Thiel - umor dispitaivel

Andreas Thiel è in dals pli enconuschents satirichers svizzers. El è in um dispitaivel, tals ins bainvis e tals auters malvis. Tranter auter pervi da ses umor.

Andreas Thiel durant sia producziun al festival d'umor Arosa.
Legenda: RTR, F. Caduff
Jau ri sur da tut quai che deprimescha, è trist e brutal.
Autur: Andreas Thiel satiricher

Andreas Thiel è ina persuna che dat en ureglia ed en egl. En egl cun ses irokes, che mida adina puspè colur ed en ureglia pervi da ses pleds critics envers il mund. Uschè spezial sco sia persuna è era ses umor.

Il satiricher Thiel ha publitgà in cudesch dal umor ed ha era deditgà ses nov program da comedy al umor.

Andrea Zogg e Beat Schlatter - crear umor

Umor è quasi il mintgadi dals acturs e cabarettists Beat Schlatter ed Andrea Zogg. Cun quai ston els savair cura che nus stuain rir. Però cun inventar pointas na san ins mai sch’ils aspectaturs vegnan a rir u betg. Garanzia na datti nagina.

Beat Schlatter al festival d'umor Arosa.
Legenda: RTR, F. Caduff
Var 9 da 10 pointas elavuradas procuran per in rir.
Autur: Beat Schlatter comicher

E da rir na datti betg bler cun crear umor. Quai saja ina lavur fitg pretensiusa. Il pli impurtant per crear e preschentar umor saja en mintga cas ch’ins stoppia sez rir da las sgnoccas. Ed impurtant, sche betg, ina premissa centrala è da pudair rir da sa sez. Beat Schlatter ed Andrea Zogg stattan per il mument ensemen sin il palc cun il teater da comedy «Polizeiruf 117».

Andrea Zogg e Beat Schlatter ensemen sin tribuna.
Legenda: RTR, F. Caduff
Crear umor è ina chaussa fitg setga.
Autur: Andrea Zogg actur

Il festival dad umor ad Arosa ha lieu sin 2000 meters sur mar. Il festival dura dals 3 enfin ils 13 da december 2015.

Artitgels legids il pli savens