Siglir tar il cuntegn
cuntegn

Ulteriur Grischun Concurs Allemann, Zinsli&Partner – denunzia encunter GKB ed UBS

La Banca chantunala grischuna GKB e la banca UBS duain avair violà considerablamain lur obligaziun da diligenza en connex cun il concurs da l'interpresa fiduziaria Allemann, Zinsli&Partner SA. Quai è da leger en in scriver da l'uffizi da concurs da la Regiun Plessur als crediturs.

Legenda: Guardar il video Concurs da Allemann, Zinsli & partenari. Durada 02:09 minutas.
Or da Telesguard dals 14.06.2017.

En in scriver als crediturs rinfatscha l’uffizi da concurs Plessur, a las bancas UBS e Banca chantunala grischuna dad avair violà considerablamain lur obligaziun da diligenza. Uschia saja vegnidas fatgas transacziuns dubiusas senza che las bancas avessan reagì.

Annen: «Carambolascha totala»

Il manader da l’Uffizi da concurs Plessur, Philipp Annen, discurra dad ina carambolascha totala, nua ch’i saja grev da numnar ils donns che mintga involvà haja chaschunà. El spera, ch’il derschader possia reparter las summas sin ils culpants.

Sper las duas bancas ha l'uffizi da concurs er denunzià ils revisurs da l'interpresa fiduziaria. Là speria el sin in resultat bilateral, ha ditg Annen envers RTR.

Cunter l'interpresa eran vegnidas inoltradas pretensiuns da 16 milliuns francs; 7,8 milliuns ha l'uffizi da concurs acceptà.

RR novitads 07:00 / actualitad bunura