Ulteriur Grischun - Concurrenza da chors federala a Cuira
Cuira po organisar il 2021 la proxima concurrenza da chors. La radunanza da delegadas e delegads da l'Uniun svizra dals chors ha acceptà la candidatura da la citad da Cuira ed uschia surdà l'incumbensa a la chapitala grischuna. Il 2021 ha lieu per la 11avla giada la concurrenza da chors svizra.
L'ultima concurrenza da chors federala è stada il 2017 ad Aarau nua che 60 chors cun radund 2'000 chantaduras e chantadurs èn sa participads. Uschia saja da quintar cun ina creaziun da valur turistica. Participants e participantas vegnian a star sur notg e consumar mangiativas a Cuira. Uschia scrivan ils organisaturs che sajan gia vid las primas preparativas.
