Siglir tar il cuntegn

Ulteriur Grischun Collisiun frontala sin la via en il Partenz

Tschintg persunas èn vegnidas blessadas mezgrev tar l'accident. La polizia ha stuì sviar il traffic per passa duas uras.

Ils dus autos donnegiads al lieu da l'accident.
Legenda: Pliras persunas blessadas tar accident datiers da Landquart. MAD

Sco la Polizia chantunala scriva è ina dunna svizra charrada la gievgia vers las 13.45 suleta en l'auto da Schiers vers Landquart. Il medem mument è in automobilist ollandais viagià cun sia famiglia en direcziun Schiers. Tar la colliaziun al campadi Ganda èsi vegnì tar ina collisiun frontala. Ils passagiers dad omadus autos èn tuts vegnids blessads mezgrev. Els èn vegnids transportads cun quatter ambulanzas en l'ospital da Schiers ed en l'ospital chantunal a Cuira. Era l'agid stradal da Landquart è stà en acziun.

Passa duas uras ha la polizia stuì sviar il traffic. La raschun per l'accident n'è betg enconuschent, la polizia examinescha l'andament da l'accident.

RR novitads 18:00