Ulteriur Grischun - Claustra sustegna pendicularas da Madrisa
Il cussegl communal da Claustra-Serneus propona da segnar aczias novas da las pendicularas Claustra-Madrisa per che quellas possian auzar il chapital d'aczias.
L'ultim pled en chaussa ha il pievel a l'urna. Las pendicularas prevesan d'investir en ina nova sutgera “Schaffürggli” ed en indrizs d'ennavar. Il cussegl communal ha plinavant acceptà il postulat davart in masterplan turistic. L'idea da quel è da coordinar e planisar meglier la lavur da differents gremis e gruppas da lavur da la vischnanca sco er da la destinaziun Tavau Claustra.
