Cun 1'220 vuschs di Claustra cleramain na a la nova finanziaziun da turissem. Cun 515 vuschs per, n'ha il project da votaziuns gì naginas schanzas.
Ils iniziants èn stads da buna speranza
Cumpareglià cun l’onn 2008 ha Claustra pers radund 40% da las pernottaziuns, ed uschia taxas da 550’000 francs l’onn. La lescha actuala saja antiquada e cumplitgada, di il president communal Kurt Steck. La nova lescha saja pli gista.
Danov na duai betg pli vegnir pajà per notg, mabain per chombra, letg u grondezza d’abitaziun. La vischnanca quinta cun novas entradas da passa 1 milliun francs. Quests daners duessan gidar da finanziar il bogn, las loipas, las sendas da viandar e la patinera. La finamira è da mantegnair il standard d’ozendi.
En vista a da la votaziun hai dà critica davart l'iniziativa. Plirs possesurs d'abitaziuns secundaras han scrit brevs da lectur – il tenor envers ils plans da l'iniziativa era surtut negativ. La vischnanca restava dentant positiva – ella n'aveva nagina tema, che quai saja l'opiniun da la maiortad dals dapli che 2'700 possesurs d'abitaziuns secundaras. La tema, che quels partissan, n'existiva er betg.
La vischnanca era segira, ch'il resultat vegnia ad esser positiv e n'ha uschia er mai fatg in plan B.
RR novitads 14:00