Il gea al project munta pia che Claustra po bajegiar la nova tgasa da scola. Il credit latiers è fixà sin 38,5 milliuns francs. L'avrigl 2017 èsi planisà da cumenzar cun la construcziun. Scolaras e scolars pon alura ir a scola en il nov bajetg a partir da l'avust 2019.
Scola veglia senza plaz e mesiras da segirtad
Claustra ha basegn da novas localitads da scola: las veglias porschan memia pauc plaz, n'èn betg sin il stan actual tge che pertutga mesiras da segirtad ed en intgins chantuns sa derasa schizunt miffa.
Plinavant ha il suveran da Claustra approvà il preventiv per il 2016. Ins quinta cun in minus 625'000 francs. Il pe da taglia a Claustra resta tar 90% da la taglia chantunala simpla.
RR novitads 11:00