Siglir tar il cuntegn
Inhalt

Ulteriur Grischun Claustra – auto arda ora cumplettamain

L’automobilist ch’era en viadi da Claustra en direcziun da Tavau ha pudì sa salvar.

In auto che arda fermamain.
Legenda: L'auto ardeva gia cumplettamain cura ch'ils pumpiers èn arrivads. mad

In automobilist (48) era in viadi la gievgia suentermezdi da Claustra en direcziun da Tavau, cura che ses auto ha cumenzà da fimar. Suenter il tunnel dal Gotschna ha el pudì sviar sin ina plazza sper via e vegnir a temp or dal auto. Cura ch’ils pumpiers da Claustra èn arrivads, ardeva l’auto gia cumplettamain.

Tenor la pledadra da la polizia chantunala, Anita Senti, datti adina puspè cas dad autos che ardan. Savens sa tractia dad autos vegls u da problems cun l’electronica, ha ella ditg envers RTR.