Ulteriur Grischun - Citad Cuira: Nov manader post da contact per economia
Il Cussegl da la citad da Cuira ha elegì cun Victor Zindel in nov manader dal post da contact per l’economia. Sin il pli tard l’entschatta da matg vegn Zindel a surpigliar l’incarica, scriva la citad da Cuira.
Zindel succeda a Christian Theus che va en pensiun, communitgescha la chanzlia da la citad. Victor Zindel è in spezialist da marketing ed ha tranter auter lavurà en questa funcziun per la Viafier retica. El ha ultra da quai ina scolaziun supplementara d’economia da manaschi. Sin il pli tard l’emprim da matg cumenzà Zindel ses pensum da 100% tar la citad.
