La radunanza communala da Luzein ha elegì Christian Kasper-Niggli sco nov president da la vischnanca. Plinavant ha ella approvà unanimamain il budget 2016 ed ils statuts da la corporaziun da vischnancas per la gestiun forestala «Madrisa».
La radunanza communala da Fideris ha reelegì tut ils commembers da la suprastanza communala da fin qua. Er ha ella approvà la cunvegna da prestaziun davart la dismessa dal rument da la regiun Partenz/Tavau e quella davart la scola da musica da la regiun Partenz/Tavau.
La radunanza communala da Mutten ha confermà il president da vischnanca Johann Martin Wys ed il vicepresident René Frauenfelder. Sco manader da l'ufficina è Lukas Bernhard vegnì elegì en suprastanza. Anc avert è il post dal schef forestal da Mutten.
RR novitads 8:00