Chasa da scola da Vaz Sut duai vegnir sanada

La vischnanca da Vaz Sut renovescha e sanescha la chasa da scola dal stgalim superiur per 1,1 milliuns francs. La radunanza communala ha concedì il credit necessari.

Vaz Sut

Legenda da maletgs: La vopna da Vaz Sut. RTR

Era ha la radunanza da Vaz Sut concedì in credit da 260'000 francs per sanar la Hintere Alp. Era conceda la vischnanca da Vaz Sut 250'000 francs per sanar il clutger da la baselgia catolica. L’entira sanaziun dal clutger è budgetada cun 600’000 francs.

Gudogn da 300’000 francs

Plinavant han ils 96 preschents convischins da Vaz Sut approvà il preventiv 2017. Quel prevesa in gudogn da 300'000 francs tar entradas totalas da 12,2 milliuns francs. Il pe da taglia vegn laschà sin 95% da la taglia chantunala simpla.

RR novitads 11:00