Siglir tar il cuntegn
Inhalt

Ulteriur Grischun Chas'auta a Cuira vegn evacuada

Il mardi saira hai brischà en in tschaler a la via Wiesental 93. Ils pumpiers han evacuà ina part dals abitants da la chasa cun 18 auzadas fin ch'il fieu è stà stizzà.

Donns d'in fieu en in bajetg
Legenda: Il fieu en in tschaler ha sfurzà ils pumpiers d'evacuar la chasa da 18 auzadas. Polizia chantunala

Enturn las otg la saira ha in abitant alarmà la polizia, ch'i brischia en in tschaler en il segund plaun sutterran da lur chasa da pliras famiglias. Ils pumpiers da Cuira hajan stizzà spert il fieu, scriva la polizia chantunala.

Auto da pumpiers
Legenda: Ils pumpiers en acziun avant la chasa da 18 auzadas en la Wiesentalstrasse. RTR, Corina Luck

Durant las lavurs da stizzar han ils pumpiers evacuà ina part dals abitants da la chasa, quels han dentant pudì turnar cura ch'il fieu è stà stizzà. Ils donns muntan a plirs dieschmilli francs. La polizia chantunala sclerescha la raschun dal fieu.

RR novitads 21:00