Siglir tar il cuntegn
Inhalt

Ulteriur Grischun Chantun dat 1,2 milliuns francs per il parc d’urs Arosa

La regenza grischuna sustegna il project d'in parc d'urs ad Arosa cun 1,2 milliuns francs. L'implant duai custar tut en tut 6,5 milliuns francs ed è tenor la regenza in project da grond niz per l'economia publica.

En quest sectur duai il nov parc d'urs vegnir realisà.
Legenda: En quest sectur duai il nov parc d'urs vegnir realisà. mad

Previs è ina clasira sin ina surfatscha da circa 2,8 hectaras. En tut duajan chattar ina dimora en il nov parc tschintg urs brins ord da tratgas manglusas en il sid da l’Europa, scriva la regenza grischuna. L’organisaziun per la protecziun dals animals «Vier Pfoten» vegn ad eleger ils urs e manar els la finala ad Arosa. En la nova dimora duajan ils urs alura avair cundiziuns idealas, scriva il chantun. Ils visitaders pon alura persequitar ils animals d’ina plattafurma anora.

Dapli turissem la stad

Grazia al nov parc d’urs duai surtut il turissem da stad survegnir ina nova attracziun ed uschia promover l’economia publica. Per la regiun Plessur e la vischnanca d’Arosa ha il project la pli auta prioritad. Era duai dar cun il project novs impuls per il svilup d’Arosa, argumentescha la regenza.

RR novitads 09:00