Siglir tar il cuntegn

Header

Navigaziun

Legenda: Guardar il video Il rapport da la Rundschau che Remo Stoffel ha contestà. Durada 21:46 minutas.
Or da RTR dals 09.03.2016.
cuntegn

Ulteriur Grischun Chanaster per Remo Stoffel

L'emissiun Rundschau da SRF ha rapportà adequatamain da Remo Stoffel. L’instanza independenta da recurs da radio e televisiun, meglier enconuschenta sut l’abreviaziun tudestga UBI, ha refusà il venderdi cun 6:1 vusch il recurs da l’interprendider Remo Stoffel.

L’emissiun da televisiun Rundschau da SRF haja rapportà il mars 2016 tut en tut da maniera accurata davart l’interprendider Remo Stoffel. Il public haja pudì sa furmar in'atgna opiniun entras la contribuziun ed il discurs suandant cun Remo Stoffel en il studio. Quai communitgescha l’instanza independenta da recurs da radio e televisiun UBI.

Tenor l’UBI disponia il public infurmà, che guardia Rundschau, dad avunda presavida davart la problematica da la terma Val S.Pieder. Il tema cumplex da las reservas zuppadas sco tal saja vegnì mussà da maniera accurata.

Remo Stoffel saja vegnì infurmà avant l’emissiun transparentamain da las rinfatschas, che vegnan fatgas envers el ed haja savì prender posiziun a moda extendida.

Dus commembers da l'UBI, in dad els il president da l’UBI, l’advocat grischun Vincent Augustin, èn sa decidids per l'abstenziun da la vusch. En ils disputs giuridics enturn la terma era Augustin pliras giadas advocat dals adversaris da Remo Stoffel.

RR novitads 18:00

Tge è l'UBI?

L’instanza independenta da recurs da radio e televisiun è pli enconuschenta sut l'abreviaziun UBI (Unabhängige Beschwerdeinstanz für Radio und Fernsehen). Ella è ina autoritad da surveglianza per la lavurs da las medias en Svizra. Ella sclerescha tar recurs, sch’il public ha pudì sa furmar sin basa dals fats preschentads in'atgna opiniun u betg.