Siglir tar il cuntegn

Ulteriur Grischun Cedes bainbaud en mauns svedais

En connex cun reglar la successiun da la famiglia De Coi, ils fundaturs da l'interpresa a Landquart, ha la firma svedaisa Assa Abloy AB suttascrit in contract da cumprar aczias. Per il persunal da Cedes na sa mida nagut, i pudess schizunt esser ch'i dat plazzas novas.

Beat De Coi
Legenda: Beat De Coi, il fundatur da l'interpresa Cedes a Landquart. RTR, P.Collet

Assa Abloy AB è il leader global per automats da portas e la segirtad d'access. Il 1994 è la firma sa furmada ord la fusiun da l'intepresas svedaisa Assa e l'interpresa finlandaisa Abloy. Assa Abloy è ina gruppa internaziunala cun radund 44'000 collavuraturs en passa 70 pajais.

Purschider internaziunal

Cedes è vegnì fundà il 1986 da Brigitte e Beat De Coi a Landquart ed è sa sviluppà en quests 30 onns ad in purschider internaziunals da schliaziuns da sensor per ascensurs, ischs e portas. Cedes è activ en passa 60 pajais, occupescha radund 400 collavuraturs. Da quests èn 230 a Landquart.

RR novitads 16:00